tg-me.com/hxzeu1/60112
Last Update:
الليله الزجيه بلوعه.. .... تبجي وتون مفجوعه
ع الصادق تصب الدمع.. ومحنيه من كسر الضلع
تبجي وتون مفجوعه
..... .....
هاليله حزنت فاطمه وحزنت وياها السبعه
كعدت تون يم الكبر وكامت تصب الدمعه
جبريل ناد اهل السمه وصوته الملاك اتسمعه
خل ننصب يكلهم عزء لبن الزجيه بسرعه
نواسي ونهل المدمع ... .. واهل الأرض خل تسمع
وخل للبشر هم يستمع ... وع الصادق تصب الدمع
............
خلت ال ايد على الكبر وايد ع جرح البيها
ام الحسن لمن تون سابع سمه تبجيها
صوت النعي منها ارتفع ومانعرف احنه شبيها
ثاري الطيور الباسمة نزلت سوه تواسيها
طيور الكطه ملتمه...... بكبر الامام ا تشمه
والاصعب بهذا الوضع... ع الصادق تصب الدمع
...........
ذايب كلبها ومنفجع من الزمان او جوره
تشوف الامام بلا صحن وبلا مناره وصوره
لتفتت تسولف للكطه عن منهجه ودستوره
صاحت الطير بكل وكت ابنج يازهره تزوره
نزوره ونشم ترابه. .... ونكعد سويعه بابه
لجن صعب نشعل شمع .... وع الصادق تصب الدمع
.........
شالت اديها افاطمه ونادت يلاهي دخيلك
تدريني بت خير البشر بالمصحف وانجيلك
يارب اريد اتوسلك بالصادق ارد ادعيلك
ماضل بعد عندي صبر وانطالب بتعجيلك
شالت اديها الزهره ...... ونار القلب مستعره
واتكله اقسم بالشفع..... وع الصادق تصب الدمع
........
اسمع دعاء ام الحسن وشنهي طلبها تريده
تدعي المناير ترتفع وكل البناء انعيده
واهل البقيع الهم صحن وكبه ومنارة جديده
وكون الامام المنتظر يارفع الرايه بايده
وتطوف الخدم بالحظره.... هذا التريده الزهره
وصوت المنابر ترتفع....وع الصادق تصب الدمع
الشاعر ابو زهراء الظالمي
BY الناشر مصطفى المياحي
Warning: Undefined variable $i in /var/www/tg-me/post.php on line 280
Share with your friend now:
tg-me.com/hxzeu1/60112